ធនាគារ ហ្វីលីព ភីអិលស៊ី ត្រូវបានបង្កើតឡើងនៅឆ្នាំ ២០០៩ ក្រោមឈ្មោះជាធនាគារ ហ្វ័ង ឌីប៊ីអេស ហើយនៅឆ្នាំ២០១៤ ក្រុមហ៊ុន PhillipCapital បានទិញយក និងបានប្តូរឈ្មោះជាធនាគារ ហ្វីលីព។ យើងខ្ញុំផ្តល់ជូនសេវាកម្ម និងផលិតផលហិរញ្ញវត្ថុដ៏សំបូរបែប តាមតម្រូវការរបស់ សាជីវកម្មធំៗ សហគ្រាសខា្នតតូចនិងមធ្យម និង បុគ្គល។ ធនាគារយើងខ្ញុំ ជាសមាជិករបស់ ហ្វីលីពកាពីតាល់គ្រុប ដែលមានមូលដ្ឋាននៅសឹង្ហបុរី និងត្រូវបានបង្កើតឡើងតាំងពីឆ្នាំ ១៩៧៥។ ហ្វីលីពកាពីតាល់គ្រុប ផ្តល់ជូនសេវាកម្មពេញលេញប្រកបដោយគុណភាព និង ភាពច្នៃប្រឌិតជូនដល់អតិថិជន ទាំងបុគ្គល ទាំងគ្រប់ប្រភទសាជីវកម្ម នៅ ១៥ ប្រទេស។
ធនាគារជាតិនៃកម្ពុជា និងក្រសួងពាណិជ្ជកម្មនៃព្រះរាជាណាចក្រកម្ពុជា បានអនុម័តជាផ្លូវការលើការរួមបញ្ចូលគ្នារវាងធនាគារ ហ្វីលីព និងគ្រឹះស្ថានមីក្រូហិរញ្ញវត្ថុ ក្រេឌីត។ ក្រោមការរួមបញ្ចូលគ្នា ធនាគារ ហ្វីលីព ភីអិលស៊ី ស្ថិតក្នុងចំណោមធនាគារពាណិជ្ជខ្នាតមធ្យមក្នុងប្រទេសកម្ពុជា ដែលមានសាខាជាង ៧០ នៅទូទាំងប្រទេស។
បណ្តុះបណ្តាលធនធានមនុស្ស ផ្ដល់ភាពពេញចិត្តដល់អតិថិជន និង ផ្តល់អត្ថប្រយោជន៍ដល់សហគមន៍។
ផ្ដល់ជូននូវដំណោះស្រាយហិរញ្ញវត្ថុ ប្រកបដោយភាពជឿជាក់ ងាយស្រួល និង មានភាពច្នៃប្រឌិត ដោយប្រើប្រាស់បច្ចេកវិទ្យាធនាគារ កិច្ចសហការ ពីសំណាក់បុគ្គលិករបស់ធនាគារ បណ្តាដៃគូពាណិជ្ជកម្ម ព្រមទាំងអថិតិជន ដើម្បីនិរន្តរភាព និងសុខុមាលភាព ផ្នែកសេដ្ឋកិច្ច គ្រួសារ ទាំងនៅជនបទ និងនៅទីក្រុង។
