លោក LIM HUA MIN

ប្រធានក្រុមប្រឹក្សាភិបាល

លោក Lim ជាប្រធានក្រុមប្រឹក្សាភិបាលនៃ Phillip Capital Group of Companies និង ត្រូវបានតែងតាំងជាប្រធានក្រុមប្រឹក្សាភិបាលនៃ IFS Capital Limited ផងដែរនាថ្ងៃទី20 ខែឧសភា ឆ្នាំ2003។ គាត់បានចាប់ផ្តើមអាជីពរបស់គាត់ ដោយកាន់មុខតំណែងជាន់ខ្ពស់នៅក្នុងផ្សារភាគហ៊ុននៃប្រទេសសិង្ហបុរី (SES) និងវិទ្យាស្ថានស្រាវជ្រាវមូលប័ត្រ។ គាត់បានបម្រើការងារនៅក្នុងគណៈកម្មការ និងអនុគណៈកម្មការមួយចំនួន នៃផ្សារភាគហ៊ុន នៃប្រទេសសិង្ហបុរី។ ក្នុងឆ្នាំ1997 គាត់ត្រូវបានតែងតាំងជាប្រធានក្រុមប្រឹក្សាភិបាល នៃគណៈកម្មការត្រួតពិនិត្យផ្សារភាគហ៊ុននៃប្រទេសសិង្ហបុរី (SES) ដែលទទួលខុសត្រូវលើការបង្កើតក្របខណ្ឌទស្សនាទាន ដើម្បីធ្វើឲ្យទីផ្សារមូលធននៃប្រទេសសិង្ហបុរីកាន់តែមានលក្ខណៈសកល ប្រកួតប្រជែង និងរឹងមាំ។ សម្រាប់ការងារនេះ គាត់បានទទួលមេដាយសេវាសាធារណៈ (PBM) ក្នុងឆ្នាំ1999 ពីរដ្ឋាភិបាលសិង្ហបុរី។ នៅឆ្នាំ2014 គាត់ទទួលបានវិញ្ញាបនបត្រសរសើរពី IBF Distinguished Fellow ដែលជាវិញ្ញាបនបត្រខ្ពស់បំផុតដែលផ្តល់ដោយវិទ្យាស្ថានធនាគារ និងហិរញ្ញវត្ថុ (IBF) សម្រាប់អ្នកដឹកនាំជំនួញ ដែលផ្តល់ជាគំរូល្អផ្នែកវិជ្ជាជីវៈ ភាពស្មោះត្រង់ និងសមិទ្ធិផល។ នៅឆ្នាំ2018 គាត់ត្រូវបានគេដាក់ងារជាអ្នកជំនួញប្រចាំឆ្នាំ2017 ក្នុងកម្មវិធីពានរង្វាន់ធុរកិច្ចសិង្ហបុរីប្រចាំឆ្នាំ ដែលជាកិត្តិនាមដ៏ល្បីល្បាញបំផុតនៅក្នុងប្រទេសសិង្ហបុរី។ លោក Lim ក៏ធ្លាប់បម្រើការជាសមាជិកក្រុមប្រឹក្សាភិបាលមួយរូបនៅក្នុងអាជ្ញាធរប្រចំាចំណូលនៃប្រទេសសិង្ហបុរីពីឆ្នាំ2004 ដល់ឆ្នាំ2010។

លោក Lim មានបរិញ្ញាបត្រវិទ្យាសាស្ត្រ (កិត្តិយស) ផ្នែកវិស្វកម្មគីមីពីសាកលវិទ្យាល័យ The University of Surrey និងទទួលបានបរិញ្ញាបត្រជាន់ខ្ពស់ផ្នែកស្រាវជ្រាវប្រតិបត្តិការ និងសិក្សាការគ្រប់គ្រង ពីសាកលវិទ្យាល័យ Imperial College London។

លោក ONG TEONG HOON

អភិបាល

លោក Ong Teong Hoon បានចាប់ផ្តើមធ្វើការនៅក្នុងវិស័យហិរញ្ញវត្ថុក្នុងឆ្នាំ១៩៧៧ ដំបូង​ជា​ភ្នាក់​ងារ​ជើង​សាររូបិយប័ណ្ណ រួចមួយឆ្នាំក្រោយមក បាន​បម្រើការងារ​ជាមួយ​ធនាគារ Standard Chartered Bank ក្នុង​តំណែង​ជា​កម្ម​សិក្សា​ការី​ផ្នែក​គ្រប់គ្រង។​ ដោយ​​ធ្វើការ​​ជាមួយ​ធនាគារ​នេះ​អស់​រយៈពេល​ ២៥ ឆ្នាំ គាត់​បាន​ឆ្លងកាត់​គ្រប់​ទិដ្ឋភាព​ទាំងអស់​នៃ​ធនាគារពាណិជ្ជ ក្រៅ​ពី​មុខងារ​ជា​ហេរញ្ញិក ហើយ​គាត់​បាន​បញ្ចប់​អាជីព​ធនាគារ​របស់គាត់​ក្នុងតំណែង​ជា​អ្នក​គ្រប់គ្រង​ប្រចាំ​ប្រទេស​ឲ្យ​ធនាគារ​ក្នុង​ប្រទេសកម្ពុជា​ក្នុងឆ្នាំ២០០២។​ ការ​បញ្ចប់​​នេះ​​គឺ​ក្រោយ​ពី​ធ្វើ​ជា​ប្រធាន​តំណាង​របស់​ធនាគារ​នៅ​ក្នុងប្រទេសមីយ៉ាន់ម៉ា ហើយ​មុន​នោះ​ ជា​អ្នក​​គ្រប់គ្រង​​ប្រចាំ​តំបន់​នៃតំបន់​អាស៊ី​ប៉ា​ស៊ីហ្វិក ដែល​គ្របដណ្តប់លើស្ថាប័នហិរញ្ញវត្ថុនានា។ បន្ទាប់ពីពេលនោះ គាត់​បាន​ចូល​រួម​ជាមួយ​ Phillip Securities Pte Ltd និង​បាន​កាន់​មុខងារ​ជា​ច្រើន រួម​ទាំង​ការងារ​រយៈពេល​មួយ​ឆ្នាំនៅក្នុង Phillip Securities Thailand PLC ក្នុង​តំណែង​ជា​ប្រធាន​នាយក​ប្រតិបត្តិស្តីទីរបស់ក្រុមហ៊ុន ហើយចុងក្រោយជាអភិបាលនៃ OTC Capital មុន​ពេល​ត្រូវ​បាន​តែង​តាំង​ឲ្យចូលបម្រើការងារនៅក្នុង គ្រឹះស្ថានមីក្រូហិរញ្ញវត្ថុក្រេឌីត ភីអិលស៊ី ក្នុង​ឆ្នាំ​២០១២។​ លោក Ong បាន​​បញ្ចប់​​ការ​​សិក្សា​​ពី​សាកល​វិទ្យា​ល័យ​សិង្ហបុរី ដោយ​ទទួល​​បាន​​បរិញ្ញាបត្រ​ផ្នែក​គ្រប់​គ្រង​អាជីវកម្ម និង​បរិញ្ញាបត្ររង​ពីវិទ្យា​ស្ថានធនាគារិកជំនាញ (Associate of the Chartered Institution of Bankers) ចាប់តាំងពីឆ្នាំ១៩៧៨។

លោក ចាន់ ម៉ាច

អភិបាល និងអគ្គនាយក

លោក ម៉ាច ដែលជាប្រធាននាយកប្រតិបត្តិក្នុងស្រុកដំបូងគេនៃ គ្រឹះស្ថានមីក្រូហិរញ្ញវត្ថុ ក្រេឌីត ត្រូវបានដំឡើងឋានៈពីមុខតំណែងអ្នកគ្រប់គ្រងប្រតិបត្តិការរបស់គាត់ ក្នុងឆ្នាំ2006។ ដោយមានបរិញ្ញាបត្រគណិតវិទ្យា និងមានបទពិសោធន៍ជាគ្រូបង្រៀនគណិត វិទ្យា លោក ម៉ាច បានចូលរួមជាមួយ គ្រឹះស្ថានមីក្រូហិរញ្ញវត្ថុ ក្រេឌីត ដំបូងក្នុងឆ្នាំ1999 ក្នុងតំណែងជាសវនករ និងជាគ្រូបណ្តុះបណ្តាល។ សក្តានុពលផ្នែកគ្រប់គ្រងរបស់គាត់ត្រូវបានទទួលស្គាល់ ហើយគាត់បានក្លាយជាអ្នកគ្រប់គ្រងសាខាប្រចាំទីក្រុងភ្នំពេញក្នុងឆ្នាំ2001។ សាខានេះបានរីកចម្រើនយ៉ាងខ្លាំង ហើយក្នុងឆ្នាំ2003 គាត់ត្រូវបានតែងតាំងជានាយកផ្នែកប្រតិបត្តិការ។ ក្រោមការដឹកនាំរបស់គាត់ គ្រឹះស្ថានមីក្រូហិរញ្ញវត្ថុក្រេឌីត មាននិរន្តរភាព ហើយផលបត្របានកើនឡើងមួយទ្វេជាបី។ លោក ម៉ាច បានបញ្ចប់ថ្នាក់បរិញ្ញាបត្រជាន់ខ្ពស់ចំនួន 2៖ បរិញ្ញាបត្រជាន់ខ្ពស់ផ្នែកគ្រប់គ្រងអាជីវកម្ម (MBA) និងបរិញ្ញាបត្រជាន់ខ្ពស់ផ្នែកហិរញ្ញវត្ថុ និងធនាគារ (MFB)។ គាត់បានចូលរួមក្នុងវគ្គសិក្សាជាច្រើនទាំងថ្នាក់ជាតិ និងអន្តរជាតិ ទាក់ទងនឹងមីក្រូហិរញ្ញវត្ថុ និងធនាគារ។ បច្ចុប្បន្នលោកជាសមាជិកមួយរូបរបស់សមាគមធនាគារនៅកម្ពុជា (ABC) ហើយបន្ទាប់ពីការរួមបញ្ចូលគ្នារវាងធនាគារ ហ្វីលីព និងគ្រឹះស្ថានមីក្រូហិរញ្ញវត្ថុ ក្រេឌីត មក លោកត្រូវបានតែងតាំងជាអគ្គនាយករបស់ធនាគារ។

លោក KOH YONG GUAN

អភិបាលឯករាជ្យ

លោក កូ បានចូលរួមជាមួយផ្នែកស៊ីវិលប្រទេសសិង្ហបុរី ក្នុង​តួ​នាទី​ជាវិស្វករ​ជីវឱសថ​នៃក្រសួងសុខាភិបាល​ក្នុង​ឆ្នាំ​១៩៧២​ បន្ទាប់​មក​​បាន​បន្ត​ជាមួយ​ផ្នែក​រដ្ឋបាលក្នុងឆ្នាំ១៩៧៩។ លោកបានបន្តការងារក្នុងក្រសួងហិរញ្ញវត្ថុ (នាយកដ្ឋានប្រមូលពន្ធ) ក្រសួងអប់រំ និងក្រសួងការពារជាតិ មុន​នឹង​ត្រូវ​បាន​តែងតាំង ជា​រដ្ឋលេខា​ធិការ​អចិន្រ្តៃយ៍​នៃ​ក្រសួងការពារជាតិ​ក្នុងឆ្នាំ១៩៨៩។ លោក​បាន​ធ្វើ​ជាប្រមុខ​ផ្នែក​ប្រមូល​ពន្ធពីឆ្នាំ១៩៩១ ដល់​ឆ្នាំ​១៩៩៧។ ក្នុងឆ្នាំ១៩៩៨ លោកត្រូវបានតែងតាំង ជា​អគ្គនាយក​នៃ​អាជ្ញាធរ​រូបិយវត្ថុ​សិង្ហបុរី (ទេសាភិបាលធនាគារជាតិ)។ លោក​ក៏​បាន​កាន់​តួនាទី​ជា​រដ្ឋលេខាធិការ​អចិន្រ្តៃយ៍​នៃក្រសួងហិរញ្ញវត្ថុ (ថវិកា និងប្រមូលពន្ធ) ផងដែរពីឆ្នាំ១៩៩៨ ដល់ឆ្នាំ២០០១។ លោកបានចូលនិវត្តន៍ ក្នុងខែមិថុនា ឆ្នាំ២០០៥ ក្នុង​តួនាទី​ជា​អគ្គនាយក​អាជ្ញាធររូបិយវត្ថុសិង្ហបុរី។ បន្ទាប់ពីចូលនិវត្តន៍ លោកនៅតែបន្តមុខតំណែង ជា​សមាជិក​ក្រុមប្រឹក្សា​ភិបាល​នៃ​ស្ថាប័ន​​នេះ​​រហូត​ដល់​ខែ​មេសា ឆ្នាំ២០១១។ លោក​បាន​បម្រើ​ការងារ​ជាប្រធាន​ក្រុមប្រឹក្សាភិបាល​មូលនិធិសោធននិវត្តន៍ ទទួល​បន្ទុក​និយោជិត​ទាំងអស់ រួម​ទាំង​វិស័យ​ឯក​ជន​ និងសាធារណៈ ក្នុង​ប្រទេស​សិង្ហបុរីពីឆ្នាំ២០០៥ រហូតដល់ឆ្នាំ២០១៣។ លោក​បាន​ធ្វើជាប្រមុខជាន់ខ្ពស់អនិវាសនជនសិង្ហបុរីប្រចាំ នៅ​ប្រទេស​កាណាដា​ពីខែឧសភា ឆ្នាំ២០០៨ ដល់ខែមីនា ឆ្នាំ២០១៣។ បច្ចុប្បន្ននេះ លោក​ជា​ប្រធាន​ក្រុម​ប្រឹក្សា​ភិបាល​នៃ​សាជីវកម្ម SMRT ដែល​ជាក្រុមហ៊ុន​ចុះបញ្ជីក្នុងការផ្តល់សេវារថភ្លើងក្រោមដី រថយន្តក្រុង និង​តាក់ស៊ី​ក្នុងប្រទេសសិង្ហបុរី។ លោក​ក៏ជាប្រធាន​សាជីវកម្មធានារ៉ាប់រង​លើប្រាក់បញ្ញើ​ប្រចាំនៅ​ប្រទេសសិង្ហបុរី និង​ជា​ប្រធាន វិទ្យាស្ថានវិទ្យាសាស្ត្រជំងឺមហារីកនៅសិង្ហបុរីផងដែរ។ លោក​បាន​ធ្វើជាឯកអគ្គរដ្ឋទូត​សិង្ហបុរី​ប្រចាំនៅ​ប្រទេសក្រិច​តាំងពីខែឧសភា ឆ្នាំ២០១៣។ លោ​កបាន​បញ្ចប់ការសិក្សាថ្នាក់បរិញ្ញាបត្រវិទ្យាសាស្រ្ត ផ្នែក​វិស្វករ​មេកានិច​ក្នុងឆ្នាំ១៩៧០ និង​ថ្នាក់​អនុបណ្ឌិត​វិទ្យាសាស្រ្ត ផ្នែកវិស្វករមេកានិច និង​វិស្វករ​ឱសថ​ក្នុង​ឆ្នាំ១៩៧២ ពីសាកលវិទ្យាល័យ តូរ៉ុនតូ (Toronto) ដែលលោកទទួល អាហា​រូបករណ៍​ពីគម្រោង កូឡុមបូ (Colombo)។ លោកបានទទួល សញ្ញាបត្រ​អនុបណ្ឌិត​ផ្នែក​រដ្ឋ​បាល​ពាណិជ្ជកម្មពី សកល​វិទ្យាល័យ​កាតូលិក​លីវិន (Catholic University of Leuven) ប្រទេសបេលហ្សិកក្នុងឆ្នាំ១៩៨១។ លោក​ត្រូវ​បាន​ទទួល​ស្គាល់​ថា​ជា​បណ្ឌិត​ពី​សាកល​វិទ្យាល័យ​តូរ៉ុនតូ​ ក្នុងឆ្នាំ២០១១។

លោកស្រី SEAH YEN GOON

អភិបាលឯករាជ្យ

លោកស្រី Seah មានបទពិសោធន៍ការងារជាង30ឆ្នាំ នៅក្នុងស្ថាប័នហិរញ្ញវត្ថុ រួមទាំង ហិរញ្ញវត្ថុពាណិជ្ជកម្ម GE ដែលជំនាញខាងផ្តល់ហិរញ្ញវត្ថុដល់សហគ្រាសខ្នាតតូច និងមធ្យម។ គាត់កាន់មុខតំណែងជាន់ខ្ពស់នៅក្នុងផ្នែកហិរញ្ញវត្ថុ ប្រតិបត្តិការ បច្ចេកវិទ្យាព័ត៌មាន ប្រតិបត្តិការត្រួតពិនិត្យ នៅក្នុងប្រទេសសិង្ហបុរី ថៃ និងហុងកុង។ គាត់គឺជាប្រធាននាយកហិរញ្ញវត្ថុទទួលបន្ទុកហិរញ្ញវត្ថុ និងការត្រួតពិនិត្យ ការធ្វើផែនការយុទ្ធសាស្ត្រ និងហិរញ្ញវត្ថុ ការផ្តល់មូលនិធិ និងប្រតិបត្តិ។

គាត់រៀបចំសិក្ខាសាលាបណ្តុះបណ្តាលនៅស្ថាប័នជាច្រើន និងបម្រើការងារនៅក្នុង អនុគណៈកម្មការធនធានមនុស្សនៃមន្ទីរពេទ្យ St. Luke និងផ្ទះគ្រីស្ទាន សិង្ហបុរី (Singapore Christian Home)។
លោកស្រី Seah គឺជាគណនេយ្យករជំនាញ (សិង្ហបុរី) ដែលមានបរិញ្ញាបត្រគណនេយ្យ ពីសាកលវិទ្យាល័យសិង្ហបុរី បច្ចុប្បន្នហៅថា សាកលវិទ្យាល័យជាតិសិង្ហបុរី និងមាន បរិញ្ញាបត្រជាន់ខ្ពស់ផ្នែកគ្រប់គ្រងអាជីវកម្ម (ច្បាប់អាជីវកម្ម) ពីសាកលវិទ្យាល័យបច្ចេក វិទ្យាណានយ៉ាង (Nanyang Technological University)។

លោក PAUL GWEE CHOON GUAN

អភិបាលឯករាជ្យ

អាជីពធនាគាររបស់លោក Paul Gwee Choon Guan មានរយៈពេលជាងម្ភៃប្រាំឆ្នាំ ពោរ​ពេញ​ដោយ​បទពិសោធន៍​ផ្នែក​ធនាគារ​សកល និង​រតនាគារ/វិនិយោគ​ ជាមួយ​នឹង​ឧស្សាហកម្ម​គ្រប់​គ្រង​ទ្រព្យសកម្ម/មូលនិធិ និងទ្រព្យធន នៅ​ទូទាំង​អាស៊ី​ប៉ាស៊ីហ្វិក។​ ជំនាញឯកទេសរបស់គាត់ រួមមាន វិស័យ​គ្រប់​គ្រង​ហានិភ័យ​សហគ្រាស (ឥណទាន ទីផ្សារ សន្ទនីយភាព និងប្រតិបត្តិការ) ការត្រួតពិនិត្យ និងប្រតិបត្តិ និង​ប្រតិបត្តិការ​សម្ងាត់​ ជាមួយ​នឹងការរួមបញ្ចូលគ្នាដ៏រឹងមាំនៃរបាយការណ៍ហិរញ្ញវត្ថុ និង​គណនេយ្យ​អាជីវ​កម្ម​ជាយុទ្ធសាស្ត្រ ការច្របាច់បញ្ចូលគ្នា និងការធ្វើលទ្ធកម្ម និង​ការ​គ្រប់គ្រង​មូលធន។ គាត់​ធ្លាប់​ធ្វើ​ជា​ប្រធាន​គ្រប់គ្រង​ហានិភ័យ​ និងប្រតិបត្តិ នៅក្នុងក្រុមហ៊ុន United Overseas Bank Group បន្ទាប់​មក​ជា​ប្រធាន​នាយក​ហិរញ្ញវត្ថុ​ប្រចាំ​ប្រទេស​នៅ ​Hong Kong និង Shanghai Bank ប្រចាំប្រទេសឥណ្ឌូនេស៊ី និងជាប្រធាននាយកប្រតិបត្តិនៅ Bank of East Asia ប្រចាំប្រទេសសិង្ហបុរី។ បច្ចុប្បន្ន គាត់​គឺជា​អគ្គលេខាធិការ​នៃ​សមាគម​ធនាគារិក​អាស៊ាន​ (ASEAN Bankers Association)។ លោក Gwee មាន​បរិញ្ញាបត្រ​ជាន់ខ្ពស់​ផ្នែក​គ្រប់គ្រង​អាជីវកម្មពី​សាកល​វិទ្យាល័យ​ឈីកាហ្គោ​ បាន​បញ្ចប់​ការ​សិក្សា​ពី​សាលា​ពាណិជ្ជកម្ម ជំនាញផ្នែកហិរញ្ញវត្ថុ និង​ទទួល​បាន​បរិញ្ញាបត្រ​ពាណិជ្ជកម្មពីសាកលវិទ្យាល័យញូវខាសល។ គាត់ត្រូវ​បាន​ទទួល​ស្គាល់​ជា​គណនេយ្យករ​ជំនាញ ក្នុងឆ្នាំ១៩៨៤ និង​ជា​សមាជិក​នៃ​វិទ្យាស្ថាន​គណនេយ្យករ​ជំនាញ​ នៅក្នុងប្រទេសអូស្រ្តាលី និង​វិទ្យា​ស្ថានគណ​នេយ្យករ​ជំនាញ​សិង្ហបុរី។

លោក ប៉ែន ចិន្តា

អភិបាលឯករាជ្យ

លោក ប៉ែន ចិន្តា ជាអ្នកដែលស្រលាញ់ចូលចិត្តបច្ចេកវិទ្យា ការទូទាត់តាមអេឡិចត្រូនិក និងប្រព័ន្ធអេកូឡូស៊ីនៃការចាប់ផ្តើមពាណិជកម្មផ្សេងៗ។ គាត់បានចំណាយពេល 20 ឆ្នាំនៃអាជីពបង្កើតផលិតផល និងរចនាប្រព័ន្ធផ្សេងៗ។ លោកជាប្រធានគ្រប់គ្រងជាន់ខ្ពស់ផ្នែកគំនិតផ្តួចផ្តើមអភិវឌ្ឍន៍កម្លាំងពលកម្មឌីជីថលរបស់អង្គការ USAID ដែលមានភារកិច្ចលម្អការអប់រំផ្នែកបច្ចេកទេសសម្រាប់អ្នកជំនាញការងារ និងនិស្សិតសាកលវិទ្យាល័យក្នុងប្រទេសកម្ពុជា ក្នុងកិច្ចខិតខំប្រឹងប្រែងដើម្បីឆ្លើយតបនឹងបញ្ហាប្រឈមដែលកើតឡើងដោយសេដ្ឋកិច្ចពិភពលោកដែលពឹងផ្អែកលើបច្ចេកវិទ្យាខ្ពស់។

មុនពេលបម្រើការជាប្រធានគ្រប់គ្រងជាន់ខ្ពស់ លោក Chanda គឺជាសហស្ថាបនិក/នាយកប្រតិបត្តិ នៃ Bongloy ជាក្រុមហ៊ុនបច្ចេកវិទ្យាហិរញ្ញវត្ថុដែលមានមូលដ្ឋាននៅអាស៊ីអាគ្នេយ៍ ផ្តោតលើ API សម្រាប់ការចេញកាត និងហេដ្ឋារចនាសម្ព័ន្ធទូទាត់ឌីជីថល។ គាត់បានចាកចេញពីមុខដំណែងកាលពីខែមិថុនា ឆ្នាំ 2021។ គាត់បានបម្រើការជាសមាជិកក្រុមប្រឹក្សានៃសមាគមធនាគារកម្ពុជា (ABC) ជាប្រធានគណៈកម្មាធិការជាតិនៃក្រុមការងារ QR Code និងជាក្រុមប្រឹក្សាភិបាលនៃសមាគមហិរញ្ញវត្ថុ និងបច្ចេកវិទ្យាកម្ពុជា (CAFT)។ គាត់ក៏បានបម្រើការជាសាស្ត្រាចារ្យផ្នែកបច្ចេកវិទ្យាហិរញ្ញវត្ថុ នៅសាកលវិទ្យាល័យជាតិគ្រប់គ្រង (NUM) ផងដែរ។

លោក ចិន្តា បានទទួលបរិញ្ញាបត្រផ្នែកវិទ្យាសាស្ត្រពីសាកលវិទ្យាល័យ Barry និងអនុបណ្ឌិតផ្នែកវិទ្យាសាស្ត្រផ្នែកគ្រប់គ្រងបច្ចេកវិទ្យាពីសាកលវិទ្យាល័យ Columbia ក្នុងទីក្រុងញូវយ៉ក។